كتبت في 4 أبريل 2011:
من أكتر الحاجات اللي بتخليني ممكن أبتسم قوي على الصبح، لما ألاقي حد مع نفسه كدة بيبتسم قوي وهو ماشي لحاله في الشارع.. ساعتها بسأل نفسي ياترى بيبتسم عشان حبيبته كلمته، ولا إفتكر نكتة حد قالها له؟.. ولا عشان قابل حد عزيز عليه إذ صدفةً كدة ولا أخيرًا جت له الوظيفة اللي بيحلم بها؟..
من أكتر الحاجات اللي بتخليني ممكن أبتسم قوي على الصبح، لما ألاقي حد مع نفسه كدة بيبتسم قوي وهو ماشي لحاله في الشارع.. ساعتها بسأل نفسي ياترى بيبتسم عشان حبيبته كلمته، ولا إفتكر نكتة حد قالها له؟.. ولا عشان قابل حد عزيز عليه إذ صدفةً كدة ولا أخيرًا جت له الوظيفة اللي بيحلم بها؟..
الصبح ساعات بيبقى جميل قوي، بس ساعات تانية بيبقى أجمل لما تلاقي سبب، بس من غير سبب قوي، عشان تبتسم قوي قوي..
وفي 2 يونيو 2011 عيشت:
من أجمل الأشياء في الدنيا لما في مرة تكون ماشي لحالك ومع حالك تبتسم لنفسك قوي قوي بس عشان انت عارف ان في حد ما، في مكان ما، على نفس الأرض.. تملي ح يفتكرك بحاجات كتير حلوة.. قوي قوي..
No Trackbacks
You can leave a trackback using this URL: http://lastoadri.com/blog/archives/2684/trackback/
2 Comments
:)
أنا يا إيمان بأفتكرك دايما بحاجات حلوة قوى
لما الناس بتتقابل أو بتتصاحب بيكونوا مع بعض لفترة و بعدين الحياة بتفرق بينهم بطرق مختلفة لكن فى الحقيقة كل منا بيحمل الآخر اللى دخل فى حياته فى وقت من الأوقات، و معرفتنا ببعض هى دليل آخر على إننا مررنا بالدنيا دى .يا رب كل الناس اللى بتحمليهم فى ذاكرتك و قلبك يكونوا خفاف عليك و ذكراهم و أطيافهم جميلة
أنا أكيدة إن فى ناس كتير تحملك فى قلوبها و أفكارها يا إيمان و لما بيقتكروكى أكيد بيبتسموا